Charlas-Café con ATTAC-Vigo

Coa intención de achegarnos á verdade do que está a acontecer nos nosos entornos locais a partires das políticas de inspiración neoliberal que parten da OMC, o FMI, o G8 ou do BM, os primeiros lúns de cada mes, ATTAC Vigo vai organizar unhas charlas debate nas que falaremos do que está a pasar coa sanidade, o ensino, o medioambiente, a situación política internacional, a débeda exterior dos países empobrecidos, as novas lexislacións en materia de dereitos individuais e colectivos e outros temas de interese. Partindo da testemuña de persoas afectadas e coñecedoras directas dos temas a tratar, trataremos de fabricar tódolos primeiros luns de cada mes un espacio aberto ó debate no que poder expor as nosas preguntas e as nosas opinións.